Sie sind hier: Singfrösche

Mir frage üs was euch so stresst, so gwöhnlich isch doch dass
mäng eine macht ou süsch es fescht und het ou sicher spass

Ä gloubensfrag das chas nid sie, das wüst i allemau
d‘ jugend seit däm bottelión I und kirche abendmau
Mal ufa mal abe mal links mal rechts, das macht doch sicher spass
Mal hingre mal füre mir isch scho schlecht, und d’hose wärde nass

Es het nüt ztüe mit däre Fasnacht gäu das wüsst ihr oh
de blibt nur eis, es isch so hert I bisch trainer bi sion
Piraterie uf offnem meer das ghörsch fasch jedä tag
u Lösegeld chunt hinterhär das isch doch gar kei frag

Jetzt bruche mir soldate wo chöi kämpfe und bewache
Mir wüste eine I üse Nef I Pirate würde lache
Fasch jedes hus het pflanze wo dr bsitzer gärn duet giesse
mäng einä het es flair derzue u cha das när ou gniesse

Ou Bundesrät si grüen u mache das es isch e chrampf
Mir sägä euch I dr Fenstersims vom Ueli dä het Hanf
Ä chli Nation mit viu Erfolg, das isch doch üses Land
mit Schi und Rad und Säguboot, mir gwinne mit abstand

Im Tennis nur no nummer zwöi, der ball wot nüme loufe
dr hitzfeld seit I „hei afrika, wo chöi mir tigge choufe“
Im Hilton ha’n ig Urloub gmacht, dä luxus isch ä pracht
ja jedes detail isch durchdacht, und alles überwacht

Und denn no stunsch was hie klaut wird, als Souvenir verschwind
ou d‘michelin dänk dä forhang hie I dä passt ja uf min grind
Mal hingre mal füre mir isch scho schlächt, ä so cha das nid gah
mal ine mal use mal links mal rechts, u mängisch blibt er stah

Dr zug wot fahre bis uf thun ja das de ums verrecke
dr cisalpino neigts dr bi I u blibt im Tunnu steck
Soomalia duet üs zeigä was das isch piraterie
d‘ svp macht fähler bi de wahle in serie

Us däm entsteit am himmu mängisch de ä neue star
u jetzt isch tante widmer-schlumpf I no schwizerin vom jahr
Amerika het gwählt und isch jetzt z’fride ohni z‘stritte
der Busch hets Hüsli grumt und geit uf d’Ränsch ga Rössli ritte

Dr Busch komuniziert jetzt mit em Natel vom obaama
Sit här plouderet är ou regulmässig mit Osaama
Mir schaffe jedä tag und zwar vom morge bis am abe
Und chunsch de hei gits nur no suppe wo di dran chasch labe

Den d’s Gäld chöi mir hüt nur no für die Stüre investiere
Für das am schluss de d‘UBS N cha Boni finanziere
Es meitschi 13 jahr tuet mängisch gärn desume poppe
Nach 9 monate seit dr giu I„ha nümme chönne stoppe“

Die gschicht isch üs bekannt da wärde mir scho bald imun
so wiibergschite vo de junge N gits süsch nur in Thun
Ar Wiehnacht seit me stiui Nacht doch mängisch da duesch stuune
so ruig ischs ou im summer we de geisch a die laguune

Weisch hie spielt halt am see zur zit kei bänd u pfiift keis schiff
wenn murteclässig isch N het lehmä alles fescht im griff
Die wahl het är no kandidiert, dr blocher het verlohre
Berlusconi dä hets besser gmacht u steit jetz wider fohre

Sie zug isch jetzt zur Neige Blocher‘s taktik het verseit
ganz so wie üse cisalpino I wo jetzt nur no steit
Ja ischaltquote dass sind vote, angers geits hüt chum
star manie das wird hüt bote süsch fählt z’publikum

Buur suecht frou das kenne mir, das isch scho chlei abdrosche
der nächsti hit ir oper heisst I Leehmä halt di gosche
Ar Ooschteree gits herti eier N u hase us schoggola
ar soli hei buebe so wie meitschi schöni chleider a

Zur Wiehnacht da gits Päckli und erfüllt mäng Chindertroum
Nur Mötzu het becho ä chline schwarze Wiehnachtsboum